كبير الصعيد 2
…….
حازم نزل لابس بنطلون أسود بس وهو بيدور علي خديجه
طلع برا بعد ماملقهاش في المطبخ
فجأة الكوره جات فيه بسبب سليم وزين اللي قعدين يلعبوا
سليم: اوباااا البس يا معلم
حازم مسك الكوره وبصله وبعدين بدا يلعب بيها بكل إحترفيه علي راسه ورجله
سليم وهو بيصفر: يااااا جامد
حازم وقف لما شاف خديجه بتبص عليه من البلكونة وهي حاطه شال علي كتفها وشعرها بيتحرك مع الهو
حازم رمي الكوره: خد وحصلني علي المكتب…. وطلع
خديجه كانت بتبص لما اختفي حازم فجأة شهقت بصدمه لما حست بإيد بتسحبها وحازم بيزقها في الحيطه
حازم دفن راسه في كتفها يشم ريحتها
حازم:كنتي بتعملي اي
خديجه: كنت بتفرج عليك لعبك حلو قوي
حازم بعد وبص للي هي لبساه
: انا لعبي حلو في كل حاجه
خديجه ضحكت بخجل
حازم غمض عنيه
: استغفر الله العظيم يارب…. فتح عنيه… ليليان نايمه
خديجه بحرج وهي بترجع شعرها لوره
: ايوه…. حازم لسه هيقرب
سليم علي الباب
: باشا باشا نمت
حازم غمض عنيه بغضب
: استناتي في المكتب دقيقه يا زفت
سليم: خد راحتك يا باشا
حازم رجع بص لخديجه اللي محصوره بين اديه والحيط
: شويه وراجع اوعي تنامي فاهمه
ومتطلعيش البلكونة كدا تاني
خديجه: حاضر
………
زين رايح جاي في الاوضه وبيتكلم في التليفون
زين: ما هو بغبائك تقطع فرامل العربيه دي
علي: يووووهااا يا زين اش عرفني انت قولتلي اللي لونها السوده
زين: خلاص حصل إللي حصل
علي: هنعمل اي
زين: جهزتلي عقد ممضي من أمك ومنك أنكم ملكمش حاجه في ورث البلد
علي: ايوه و معاي القعد
زين: تمام وأنا جبتلك ورق طلاق ممضي من حازم مقعدش غير السنيوره…. جهز ورقك النهارده وهجبهالك هي والورق ومليش صالح بيك بعد كده يكش تولع انت وهي
علي بلهفه: حاضر حاضر والله انا هخليها تمضي وكمان كتبت كل مراث امي من أهلها باسمك وكل حاجه
زين: جدع
…….
حازم رجع بعد متكلم مع سليم علي المصنع اللي في اسكندريه ومشاكله لازم حد يسافر ف حازم قرر يسافر
حازم دخل الاوضه لقي خديجه نايمه وشعرها الاسود الطويل مغطي وشها
حازم قرب وقعد جنبها علي السرير يشيل شعرها
حازم: خديجه خديجه
خديجه صحيت بنوم: كل دا فضلت مستنياك كتير
حازم: قومي جهزيلي شنطتي علشان مسافر
خديجه قلبها اتقبض
: فين وهتعمل اي لازم يعني
حازم: شغل
خديجه: طاب خليها بكره الصبح
حازم: خديجه بلاش صداع ويلا انجزي ….
