كبير الصعيد 2

هدي بعد ما خلصت : قولي لابنك يجهز نفسه علشان يبقا كبير البلد

حازم دخل زي الاعصار الاوضه ومسك خديجه من شعرها وبكل غضب وغيره : كان بيقولك اي

خديجه بدموع وبوجع : ما انا قولتلك تحت

حازم بعصبية : خديجه اتعدلي

خديجه بدموع : حازم انت بتوجعي

حازم بغضب وغيره عميه: انطقي

خديجه عيطت وصوت شهقاتها طلع وقالت

: ك.. كان بيقلي انه بيـ…

… يتبع13=روايه امتلكني كبير الصعيد الفصل الثالث عشر 13

الفصل الـثالث عشر

خديجه بدموع : كـ.. كـان بيـ ببـقولي ان..

فاجأة خديجه انهارت في العياط حازم اتنهد وخدها في حضنه وهو بيطبط عليها

حازم بعد وشها عن حضنه وهي بتمسح دموعها و هي بتشهق

حازم بهدوء : خديجه انا مش بشك فيكي بس انا راجل دمه حامي ولما شوفته واقف معاكي وانتي وشك اصفر كنت مستعد امو*ته انتي مشوفتيش عملت فيه اي تحت.. اتنهد وكمل… بطلي عياط بقا.. وحضنها تاني خديجه كانت في حضنه وهي ماسكه في جلابيته وبتشقهق

خديجه : هـ.. هو كان سكران وقال كلام مش مفهوم وانا خوفت منه

خديجه حاولت تخبي الحقيقه علشان لو حازم عرف احتمال يكون فيها مو*ت علي

حازم : خلاص محصلش حاجه بس بلاش تقعدي تحت لوقت متاخر ولا تستنيني تحت تاني تقدري تقعدي هنا واول ما تسمعي العربيه تنزلي زي ما مريم عملت كدا

خديجه : حاضر…

الباب خبط حازم بعد عن خديجه وحمحم

: اتفضل

دخلت هدي وهي باصه في الارض بمسكنه

هدي بتمثيل : حازم بيه ممكن اتكلم معاك شويه

حازم: خلاص روحي انتي يا هدي وانا جاي وراكي

هدي طلعت وحازم بص لخديجه اللي كانت بتبص لهدي بضيق

حازم : شويه وجاي استنيني متنميش

….

حازم دخل الاوضه اللي فيها هدي وقعد علي الكرسي

: خير يا هدي

هدي بحز*ن مصتنع : حازم بيه هو الصراحه كتر خيرك لحد هنا عملت الواجب وزياده وحاسه اني عملالك مشاكل مع مراتك وانا مش مهتمه بحقي كفايه انك ستر*ت عليا… كل دا وهي باصه لتحت بإحترام… ودي ورقة طلاق انا ماضيه عليها يعنى مفضلش غير حضرتك وانا ان شاءلله بكره هلم شنطة هدومي وهمشي…..

حازم خد منها الورق بهدوء وقراه وبص فيه وكان كله سليم حازم حط الورق علي جنب

: خليه انا همضي عليه وبعته للمحكمه في اي وقت

هدي بتوتر : طب ليه التاخير

حازم بصلها بشك هو كان شاكك فيها من الاول انها تبع وفاء بس الكشف الطبي اثبت ان هي مغتـ..ـصبه فعلا وهو حب يشوف اخره