يوم صباحيتي حكايات علي ابو الدهب
بصيت لجبران وقولت بكل برود الشقة اللي في الحي الراقي باسمي الفيزا والكروت باسمي وحساب الطوارئ ده فلوسي أنا والقلم اللي أنت لسه ضاربه ده قفل كل حاجة مابيننا خلاص وجبران بربش بعينيه وهو مبرجل وقال أنتي بتقولي إيه قولت بقولكوا اشبعوا بالبيت ده تاني عشان البيت التاني اللي كنتوا بتتنططوا بيه قدام قرايبكم مش هتعتبوه تاني أبداً
خرجت ومن غير ما آخد شنطتي ماكنش معايا غير الموبايل في جيب الجاكيت في الشارع الهواء الساقع خبط في وشي المحمّر والورم بدأ يظهر وقفت تاكسي وطلبت أبويا رد عليا وصوته كبس عليه النوم صوفيا يا بنتي في إيه بصيت لوشي في مراية التاكسي العلامة الحمراء كانت بدأت تزرق قولت بابا ابدأ في كل حاجة سكت شوية وبعدين صوته اتقلب تماماً وبقى حاد وجاد وقال على المستشفى فوراً يا صوفيا اعملي تقرير طبي واثبتي حالة اعتداء صوري وشك كويس واوعي تمسحي أي رسائل أنا هكلم المحامي والسمسار نلغي كل حاجة قفلت السكة واتنفست بجد لأمل مرة الساعة تمانية وعشر دقائق الصبح دخلت الاستقبال في المستشفى وفي خانة سبب الزيارة كتبت إصابة في الوجه نتيجة اعتداء من الزوج الدكتورة بصتلي وبصت لخدي وقالت عايزة تعملي محضر وتدخلي في قضايا ضغطت على بطاقتي في إيدي وقولت آه بس الأول عايزة كل حاجة تتثبت #حكايات_على_ابوالدهب وتتوثق وتبقى في الورق دي كانت البداية بس واللي جاي في الدكتورة هزت راسها وكتبت التقرير الطبي بالتفصيل الممل وحطت ختم المستشفى على كل الورق وأنا واقفة في طرقة المستشفى ببص لوشي في مراية الموبايل والعلامة الزرقا بدأت تظهر وتوضح أكتر مكنتش حاسة بالوجع قد ما كنت حاسة بنار في قلبي بس النار دي مكنتش نار كسرة دي كانت نار انتقام وتخطيط لكل خطوة جاية
طلعت من المستشفى لقيت تليفوني هيفصل من كتر الرن وكان جبران وأمه وأخته بيبدلو على تليفوني فتحت الخط على جبران لقيت صوته طالع كله غل وزعيق وبيقول أنتي فاكرة نفسك هربتي فين وربنا لما أجيلك لأربيكي من أول وجديد على قلبة الترابيزة دي وأمك وأبوكِ هيجيبوكي لحد عندي ورجلك فوق رقبتك مديتلوش فرصة يكمل وقفت التسجيل في الموبايل وقفلت السكة في وشه من غير ما أنطق كلمة واحدة
ركبت تاكسي ورحت على بيت أبويا أول ما فتح الباب وشاف وشي عينيه اسودت من الغضب أبويا راجل هادي وطيب بس وقت الجد بيبقى صخر طبطب عليا ودخلني الأوضة وقالي حقك هيرجع وتالت ومتلت يا صوفيا بس من غير شوشرة في دقيقة واحدة كان مكلم المحامي وقايله يرفع قضية طلاق للضرر ومحضر عدم تعرض ويرفق معاهم التقرير الطبي وتسجيل المكالمة اللي لسه قفلها معايا
