جوزي رمي عليا القهوة ج 2

دنيا جتله في نفس اليوم تعيط وتزعق أخي إيه اللي حصل؟ صاحب المركز كلمني وقال إن سمع كلام كتير عنك، وإن لو ما جبتش الفلوس خلال أيام هنلغي العقد ونطلب منك تعويض مضاعف!. كريم ضرب كف على كف وقال بصوت متهدل وأنا أجيبلك منين الفلوس يا بت؟ ما عنديش ولا جنيه.. كل اللي كان معايا راح في ديون قديمة، وحتى البيت ده إيجار ومش ملكي، وكل اللي قلتلك إنه ملكي كان كذب. دنيا وقفت مذهولة، مش مصدقة كلامه إيه؟ كل ده كلامك كذب؟ كل اللي كنت تقوله عن شغلك وعن فلوسك وإنك هتفتحلي مشاريع.. كل ده كان كلام فاضي؟.

كانت الصدمة عليها كبيرة جداً، لأنها طول عمرها كانت شايفة أخوها قدوة، وشايفة إنه الراجل اللي يقدر يعمل أي حاجة، وطلع طول الوقت بيعيش على الكلام والخداع، وعلى حسابي أنا اللي سكتت وتحملت تمان سنين. بدأت تفتكر كل موقف مر بيننا، كل مرة كان بيقول لي فلوسنا واحدة، وكل مرة كان بيضغط عليا عشان أديه فلوس، وكل مرة كانت هي بتقف جنبه وتزيد الضغط عليا.. وحست بالذنب بيأكل قلبها، وعرفت إنها كانت مجرد أداة في إيده، ما كانش يهمها غير مصلحتها، ودفعت تمن غلطها بغلاوة.

أنا في نفس الوقت، كنت مش قاعدة

مستنية حاجة تحصل.. كنت كل يوم بروح الشركة اللي سابهولي أبويا، وكنت أتعلم كل حاجة من أول وجديد، كنت أجلس مع الموظفين القدامى اللي كانوا يعرفوا أبويا، وكل واحد كان بيحكي لي عن حكمته وأمانته، وكيف كان بيقول دايماً الفلوس أمانة، والكرامة أغلى من كل مال. كنت بحس إن أبويا معايا في كل خطوة، وكل ما كنت أتعلم حاجة جديدة، كنت أتأكد إنه كان محق لما ساب لي كل حاجة باسمي، وعرف إن الزمن ده مش بيجيبلك غير اللي كنت مستعدة له.

وصلتني أخبار كتير عن كريم، من ناس تعرفنا، بعضهم كان بيجي لي عشان يشفق عليه ويقول لي يا سلمى الراجل دمر وحالته تكسف الخاطر، وبعضهم كان بيجي لي عشان يقول لي شوفي عمل فيكي إيه واللي جاله قليل عليه. لكني كنت أرد بكل هدوء كل واحد بياخد نصيبه، وأنا مش عايزة أضره ولا أتمنى له شر، بس مش عايزة أعود لورا أبداً.. اللي حصل حصل، وكل واحد حر في اختياراته.

في يوم من الأيام، كنت راجعة من الشركة ولقيت واحد واقف بانتظاري قدام الشقة، لما قربت عرفت إيه.. هو أبو كريم، الراجل الطيب اللي كان دايماً يعاملني زي بنته، وكنت بحترمه جداً. نزلت من العربية ورحت له سلمت عليه، وقلبى وجعني لما شفت حالته، كان شكله كبر في أيام قليلة، ووجهه مليان حزن. قال لي بصوت متهدل يا بنتي سلمى.. سامحيني أنا اللي جيت أعتذر منك بدل ابني.. أنا ربيته وأنا فاكر إنه راجل بجد، وطلع ما عندهش رجولة ولا أمانة.. أنا عارف إن ما فيهش كلام يصلح الغلط، ولا فيه عذر للي فعله معاكي، بس جيت أسألك.. إيه اللي عايزاه يفعله عشان تقللي عنه شوية؟.