جوزي سرقني
لاقيت جوزي محول من حسابي علي حسابة مبالغ في اوقات مختلفة مش دي المشكلة لان المشكلة الاكبر اني لاقيتة ماسح المسدج اللي بتوصل علي التليفون عندي من البنك عشان معرفش…
مسكت النليفون وروحت عشان اواجهه….
وبالفعل وريتة المعاملات اللي تمت علي حسابي البنكي والتحويلات اللي بعتها لنفسه قالي انا كنت هرجعهم ليكي اول ما يجيلي فلوس قولتلة ولما انت نيتك ترجعهم لية مقولتليش ولية مسحت المسدج اللي علي تليفوني عشان معرفش سكت ووشة اتغير وبدا يتعصب ويقولي انتي هتذليني قولتلك هرجعهم ليكي خلاص خلصنا بقي مكنوش مبلغ بسيط يعني اللي هتعملي علية كدا قولتلة محول ٢٠ الف من حسابي علي حسابك وتقولي مبلغ بسيط وانت عارف اني بدفع اقساط كل شهر للعربية……
طيب عملت بيهم اية من حقي اعرف قالي ساعدت في جهاز اختي مقدرتش اقول لاهلي معيش بصيت لية وقولتلة طب وانا مال اهلي ما تدفع من مرتبك انت مبقتش تديني منه الا حاجة بسيطة وتقولي اصلي مصاريفي بقت كتير وانا بكمل من معايا وبسكت بصلي وقالي انتي مكبرة الموضوع اوي وسابني ودخل الحمام وقالي هاخد دش وانزل عشان عندي مشوار مهم ومتأخر …
مشي من قدامي وسابني عمالة اغلي ودمي محروق وكاني ماليش قيمة حتي اعرف فلوسي راحت فين…
ببص علي كنبة الانترية لاقيت تليفونة محطوط ونسي ياخدة في ايده كالعادة ماهو اصلة مش بيفارقة حتي وهو نايم بيحطة تحت مخدتة وكانة خايف من حاجة….
حب الاستطلاع خلاني امسك التليفون وافتحة وابص علية جربت كل التواريخ اللي تخصة علي الباسورد عشان يفتح تاريخ ميلادة تاريخ عيد جوازنا لحد ما كتبت تاريخ ميلاد والدتة فتح بس اللي اكتشفتة لما مسكت التليفون كان اكبر بكتير من تخيلاتي وخلاني مش قادرة اخد نفسي من الصدمة دا مطلعش انه محول فلوس لنفسة من حسابي بس دا طلع عامل بلوة اكبر فيا وانا معرفش ……
#حكايات_على_ابوالدهب
الصدمة شلت حركتي، والتليفون كان هيقع من إيدي… فتحت الواتساب، وأول حاجة عيني وقعت عليها كان شات مسميه “أمي الغالية”. فتحت الشات ودموعي نزلت من كتر القهر.
لاقيت حماتي كاتباه له: *”جدع يا واد، طالما البت دي مغفلة وفلوسها كتير، خدهم منها وجهز أختك، أختك أولى بكل قرش.. وهي فاكرة إنك بتدفع قساط العربية، خليها غرقانة في شبرها، وإوعى تقولها إنك كاتب العربية باسمك في المرور بالتوكيل اللي عملتهولك!”*
