يوم صباحيتي حكايات علي ابو الدهب 2
بعد ما حكم الحبس صدر ضد جبران المحامي بتاعه جرى عليه وهو وشه أصفر وقاله مفيش قدامنا غير المعارضة والاستئناف عشان نوقف التنفيذ بس لازم تدفع كفالة تانية وتدبر فلوس المؤخر والنفقات اللي اتحكم بيها وإلا هتتجازى في شغلك وتترفد جبران بص لأمه وأخته بنظرة كلها حسرة وقهر وهما واقفين مش عارفين يعملوا إيه ولا يجيبوا فلوس منين
أبوه أبو جبران شال إيده من الموضوع تماماً وقاله أنا بعت الأرض اللي كانت حيلتي عشان كفالة المحضر الأولاني ومش هبيع بيتي اللي قاعد فيه عشان طيشك وقلة أدبك اشرب بقى اللي عملته بإيدك الحاجة نورا قعدت تلطم في طرقة المحكمة وتقول بيتنا بيخرب يا ناس وابني هيضيع ومستقبله هيروح وكارلا واقفه تندب حظها وتقول ياريتني ما اتكلمت ولا فتحت بقي
أنا طلعت من باب المحكمة وركبت عربية أبويا وفتحت الشباك وبصيت للهوا وطايرة من الفرحة المحامي بتاعي قالي مبروك يا صوفيا الورق والقانون جابولك حقك في تالت ومتلت والنهاردة تقدري تبدأي حياتك من جديد من غير أي حبل يربطك بالعيلة دي أبويا طبطب على إيدي وقالي رفعتي راسي يا بنتي ومقبلتيش بالذل
أول حاجة عملتها لما رجعت البيت إني دخلت أوضتي وجمعت كل الصور اللي كانت بتجمعني بجبران من أيام الخطوبة وفلاشات الفرح وكل حاجة تفكرني باليوم الأسود ده ورميتها في الزبالة وعملتله بلوك من كل حتة هو وعيلته عشان أقفل الصفحة دي للأبد وميبقاش ليها أي أثر في حياتي
بعد شهرين بالظبط من الحكم جبران ملقاش طريقة يدفع بيها النفقات والمؤخر غير إنه يبيع عربيته اللي كان بيتمنظر بيها ويبدأ يتذلل لطب طوب الأرض عشان يستلف ويسدد ديونه عشان ميتسجنش وفوق كل ده شغله عرف بالقضية وبتهمة التبديد والضرب واضطروا ينقلوه لشغل في فرع بعيد ومرتبه ينزل للنص بسبب الخصومات والقضايا اللي عليه
أما كارلا فبسبب الفضيحة اللي حصلت في الحارة ووصول البوليس لبيتهم كذا مرة خطيبها سابها وقسخ الخطوبة وقالهلها إحنا ناس بنشتري راجل وبندور على عيلة طيبة وأنتي وأخوكي طلعتوا بتوع مشاكل ومحاكم والحاجة نورا جالها السكر من كتر الهم والتفكير في الديون وفي شكلهم اللي بقى في الطين قدام القرايب والجيران
في نفس الوقت ده أنا كنت برتب ورقي عشان أسافر برة وأعمل ماجستير في تخصصي بالعيادة وأبدأ كاريير جديد بعيد عن كل الأجواء دي الشقة اللي في الحي الراقي أجرتها بمبلغ محترم جداً وبقى بيطلعلي منها دخل شهري ثابت شيلته في البنك للمستقبل وعرفت إن خسارتهم ليا كانت مكسب كبير جداً لصحتي وعقلي وكرامتي
