نتيجه الثانويه ج 2

المستشار خبط بإيده على الترابيزة وقال بغضب مكتوم: “دي كارثة.. دي عملية تزوير وتبديل أوراق جوة الكنترول!”

اتفتحت باقي كراسات المواد، واتكشفت الحقيقة الكاملة: في حد في الكنترول فك أوراق فاطمة الممتازة وتبدلت بأوراق طالب تاني ضايع عشان ينقذوا الطالب التاني ويشيلوا فاطمة المجموع الميت!

في نفس اليوم، النيابة العامة اتدخلت، واتحفظت على كل أوراق الكنترول، وتم التفتيش والقبض على رئيس دور الكنترول وأحد الموظفين اللي اعترفوا تحت الضغط إنهم أخدوا رشوة كبيرة جداً من رجل أعمال معروف عشان يبدلوا أوراق ابنه بمستوى طالبة ممتازة وضامنة الأوائل!

وبعد أسبوع كامل من التحقيقات والأيام العصيبة اللي عشناها، طلعت النيابة والوزارة ببيان رسمي هز مصر كلها:

“إعادة تصحيح كراسات الطالبة فاطمة صابر الأصلية بعد العثور عليها.. والحصول على مجموع 98.5%، وتصدرها المركز الأول على المحافظة.”

اليوم ده، الشارع بتاعنا كله اتملى زغاريد وألعاب نارية، الجيران كلهم نزلوا يحتفلوا. صابر شال فاطمة وجري بيها في الشارع وهو بيعيط ويصرخ: “حقك رجع يا بنت الأستاذ صابر! مجهودك ما ضاعش!”

وفاطمة حضنته وهي بتقول: “شكراً يا بابا.. لولا إنك صدقتني ووقفت في وش الدنيا كلها، كان مستقبلي ضاع للابد.”