كبير الصعيد 5

دياب بجديه: انتي هتعيشي هنا ومفيش كلام

ام محمد: بس ي..

دياب: يلا يا فيروز حضري الفطار

فيروز مسحت دموعه بفرحه

: حاضر

…………

مريم واقفه في المطبخ و فيروز معاها يونس نزل ودخل المطبخ

مريم : يعني صاحي بدري يا عريس

يونس : عريس اي ونبي متفكريني

مريم ضحكت : مش قولتلك… تحب اكلمهالك تاني

يونس : لا انا هحاول معاها تاني.. اعمليلي بس قهوه ونبي حاسس راسي هتنـ,ـفجر

مريم : حاضر يا حبيبي من عنيا

زين دخل : نعم يختي مين دا حبيبك

يونس بضحك : مش جوز بنتها لازم اكون في العين والنني كدا…

كمل وهو بيغمز لمريم : صح يا حماتي

مريم ضحت

زين بغضب : نني في عينك وقوم يازفت

يونس : يعم هاخد قهوتي وقايم اشبع بيها اهي

……….

يوسف قاعد علي الكنبه بيشرب سجاير وبيتأمل فاطمه اللي نايمه علي السرير بتعب

يوسف لنفسه بسخريه : يااااه هي دي فاطمه هي اللي كانت بتستناني انا ودياب واحنا راجعين من المدرسه وكل اللي يفرحها نجبلها حاجه حلوه معانا بقيت بالقسوه دي….. يوسف ركز في ملامحها البريئة مينفعش تبقا شريره

يوس بهمس وهو بيشرب سجاره

: انا فاكر لما كان عندها 16 سنه كان في مشكله بين ابوها وامها معقوله تكون دا السبب

يوسف قام وخد اخر نفس من السجاره وحطها و في الطفايه وقرب من السرير قعد جنب فاطمه وزاح شعرها وباسها بهدوء

بعد واتنهد وهو بيرسم الوش الخشب

يوسف : انتي يا زفته فزي

فاطمه بخوف : في اي في اي

يوسف بقرف : كل دا نوم يا هانم ولعلمك دا اخر مره تنامي للوقت دا فاهمه بعد كدا الساعه خمسه الصبح تكون صحيتي وكل حاجه جاهزه فاهمه

فاطمه بدموع : فاهمه

يوسف بقرف : يلا فزي حضريلي الحمام والفطار بسرعه

فاطمه قامت وهي بتعيط طلعت هدوم ليوسف ودخلت تحضرله الحمام

يوسف دخل وهو بيقلع هدومه

فاطمه بتوتر : ب.. بتعمل اي

يوسف ببرود : هستحما في حاجه

…………….

ليليان صحيت بصت جنبها ملقيتش ابراهيم ابتسمت بحزن وقامت ونزلت لقيت ابراهيم برا لابس بنطلون بس وبيقطع في شجرة….. ليليان بصتله بهيام وحب

ابراهيم ابتسمله : صباح الخير

ليليان بكسوف : صباح النور

ابراهيم : فطرتي

ليليان : لا وانت

ابراهيم : لا انا مبحبش افطر

ليليان : الله اي دا مهره انت بتحب المهرا زي دياب اخوي

ابراهيم قرب من الحصان وحرك ايده علي راسه

ابراهيم : تعالي

ليليان بخوف : لا طبعا انا بخاف منهم اوي