كبير الصعيد 4
يحيي بعد وراح قعد علي الكنبه وهو بيولع سجاره
يحيي بينفث الدخان
: قومي حضريلي الحمام ورتبي الاوضه دي
زينب قامت لملمت الكركبه اللي في لاوضه ودخلت تحضر الحمام ويحيي مركزه مع كا حركه منه
وينب حست بيحيي ورها
زينب لفت بخوف
يحيي سند ايديه علي الحيطه وهو محاصرها
يحيي : تنزلي تقولي لامي تحضرلي الفطار.. حرك ايده علي خدها… ولو امي مش فاضيه حضريه انتي
زينب بتوتر : حاضر…
ونزلت علي تحت جري
………..
خديجه بتظبط العبايه لحازم
خديجه: بس انا شايفه ان لو واحده من بنات عمه كان هيبقا تعامله معاها حلو
حازم اتنهد : مين يعنى زينب و رويدا صغيرين عليه غير ان دول يخصو يحيي ويونس
خديجه : اشمعنا فيروز طيب
حازم : عارفه فيروز هي اكتر واحده مناسبه لدياب.. دياب متنفعش معاه واحده قويه والا هتلاقيه كل يوم في المستشفى عايز واحده صبوره زي فيروز تستحمله هو بيتعامل معاها وحش بس صدقيني ما في حد مناسب لدياب كدا غير فيروز.. وبعدين كنتت عايز اطلع البت من جبروت اخوها منه لله
خديجه ابتسمت : انا واثقه في اختيارك
………
فيروز : د.. دياب بيه
دياب فتح عينيه لقاها واقفه قدامه
دياب قام : لسه وجعاكي
فيروز : لا خفت
دياب: جهزتي الحمام
فيروز: ايوه
دياب دخل الحمام وفيروز فضلت مستنياه علي السرير شويه و دياب طلع فيروز قامت بخوف وقربت تلبسه العبايه فيروز بعدت
فيروز : ناقصك ح. حاجه علشان انزل اكمل الغداء
دياب القاء نظره عليها ورجع بص في المرايه تاني
: حطي حاجه علي راسك وانزلي
فيروز بطاعه : حاضر
حازم وزين وسليم اخدو ولادهم وراحو يصلو الجمعه في الجامع
فيروز وهي بتغطي الحله
: معلش يا خالتي ام ورد حمري انتي اللحمه وانا هطلع اصلي قبل ما يجي دياب
ام ورد : روحي يا بنتي
فيروز لسه طالعه وقفها صوت فاطمه
فاطمه : الحقي المٌهره بتاعه جوزك اطلقت وكلهم في الجامع بيصلو الجمعه ومفيش حد يجيبها
فيروز بتوتر : م.. مقدرش اطلع دياب لو عرف يقتـ_ـلني فيها
فاطمه بخبث : وكمان لو المُهره تاهت ومرجعتش هتروحي فيها
فيروز: طب اعمل ايه
فاطمه: انتي لسه هتفكري روحي هاتيها بسرعه
فيروز وهي بتلف حولين نفسها علي حاجه تغطي شعرها
فاطمه: انتي لسه هتدوري الحقي
فيروز طلعت تجري ورا المُهره بشعرها البني الطويل الطاير وراها ورجليها البيضه بتغطس في الرمل _مُهره بتجري ورا مُهره _بمعني اصح… كان شكله بيخطف لانفاس
